ასპინძაში ადგილობრივები ათობით პირუტყვს ეძებენ

ფოტო: მესხური მემკვიდრეობა

ასპინძელებს მომხდარის შესახებ, ერკოტის მთაში დროებით მცხოვრებლებმა დღეს, 28 სექტემბერს შეატყობინეს.

„დღეს დამირეკეს და მითხრეს საქონელია დაკარგული და არც მწყემსი ჩანსო, ავედი ერთი ძროხა მკვდარი ვნახე, დანარჩენი ვიპოვე“, – ამბობს ერთ–ერთი ასპინძელი.

ადგილობრივები ამბობენ, რომ პირუტყვის ნაწილი საქონლის სადგომშია, ნაწილი კი არ ჩანს: „9–10 კაცი დავდივართ და ვეძებთ საქონელს, არ ვიცით რა მოხდა. მწყემსს ვერ ვუკავშირდებით“.

ერკოტელი მწყემსები ამბობენ, რომ ბიჭი, რომელსაც ასპინძელების საქონელი ჰყავს მიბარებული, დაკარგულ პირუტყვს ეძებს: „ტელეფონი სახლში აქვს დასატენად შეერთებული, გუშინ ამბობდა ორი სული დამეკარგაო, სავარაუდოდ ეძებს“.

ერთ–ერთი კი ვარაუდობს, რომ მწყემსი პოლიციაში დაკითხვაზეა გადაყვანილი: „გუშინ ამბობდა პოლიციიდან დამირეკეს და დაკითხვაზე უნდა წავიდეო, შეიძლება იქ არის".

ასპინძელები ამბობენ, რომ დღის ბოლოს გაირკვევა რამდენი სული პირუტყვია დაკარგული, მთაში იმყოფებიან სამართალდამცველებიც:„საქონელი მინდორშია საბალახოდ წასული, დღეს ბოლომდე დავრჩებით და დაველოდებით, შესაძლოა ყველა უვნებელი დაბრუნდეს. მწყემსი სადაა, ეს ჩვენც არ ვიცით".

შსს–ში გვებუნებიან, რომ მწყემსი არ იმყოფება პოლიციაში და არც დაკარგულად არ მიიჩნევა „როგორც ჩვენთვის ცნობილია მწყემსმა მიატოვა და წავიდა, საქონელი დაკარგული არ არის და ყველა ადგილზეა“.

„სამხრეთის კარიბჭე“ ამ თემაზე მუშაობს, დეტალებს მოგვიანებით მოგაწვდით.

[sknews.ge]