15 დღეა აწყურში დაკარგულ ქალს ეძებენ

ნაზი მახათაძის დაკარგვის შესახებ „სამხრეთის კარიბჭემ“ ინფორმაცია 27 მარტს გამოაქვეყნა. როგორც მაშინ სოფელში გვითხრეს, ნაზი სავარაუდოდ 3-4 დღის დაკარგული იყო.

„არანაირი ვერსია არ გვაქვს სად შეიძლება იყოს, 24 მარტიდან ვეძებთ. ჩვენ იმერეთში ვცხოვრობთ, შევთავაზეთ რამდენჯერმე რომ ჩვენთან ეცხოვრა, მაგრამ თავის სახლში ერჩივნა ყოფნა. 88 წლისაა, ამ ბოლოს როგორც ვიცი რაღაცეები ავიწყდებოდა ხოლმე. ვიცი რომ პოლიცია წყალშიც და ხმელეთზეც ეძებს მაგრამ ვერ ნახეს“, - გვითხრა დაკარგულის რძალმა ინგა ბარბაქაძემ.

შინაგან საქმეთა სამინისტროში აცხადებენ, რომ სამძებრო სამუშაოები კვლავ გრძელდება.

[მარიამ ბარძიმაძე, ახალციხე]