დერცელში მთაში წასვლამდე საქონელი შეღებეს [ფოტო]

ივნისი ის თვეა, როცა ადიგენის სოფლებში ფერმერები საზაფხულო იალაღებზე წასასვლელად ემზადებიან. როგორც აღმოჩნდა, ამ პერიოდში არა მხოლოდ ადგილობრივები, არამედ მათი პირუტყვიც განსაკუთრებულ მზადყოფნაშია.

ტრადიცია, მთაში წასვლის წინ საქონლის შეღებვისა, დერცელში შემორჩა. აქაურები ვერ იხსენებენ კონკრეტულად რას უკავშირდება ეს წესი. მიიჩნევენ, რომ ეს სიმბოლურად გაზაფხულის მოსვლას, სასიხარულო ამბის შეტყობინებას უნდა ასახავდეს:

„რაიმე ისტორიული წარმოშობა არ აქვს. ეს ძირითადად გაზაფხულს უკავშირდება. უღებავენ რქებს, თავს, აბამდნენ სხვადასხვანაირ აქსესუარებს, რომ ავმა თვალმა არ იმოქმედოს. ტრადიცია ძირითადად აჭარაშია შემორჩენილი და ჩვენთან ხალხი ხომ ძირითადად იქიდან არის გადმოსული“, - გვიხსნის ადგილობრივი დავით ბერიძე.

დერცელში მთაში წასვლამდე ფოტოები არასამთვარობო ორგანიზაცია GBDC Fert-მა გაავრცელა. იგი ახალციხეში რძის წარმოებისა და მეცხოველეობის განვითარების მიმართულებით მუშაობს.

















ფოტოები:GBDC Fert

[თაკო ფეიქრიშვილი]