ადიგენის 8 სოფელს ორი დღით წყალი არ ექნება

ფოტო:ადიგენის მერია

ორი დღით წყალი არ ექნება შემდეგ სოფლებს: აბასთუმანს, საღრძეს, ვარხანს, ხარჯამს, წახანს, ხევაშენს, უნწას და ბენარას.

ადიგენის მუნიციპალიტეტის მერია კურცხანის წყლის სისტემით მოსარგებლე მოსახლეობას გაცნობებთ, რომ

„კურცხანიდან გამომავალი, სასმელი წყლის ცენტრალური მაგისტრალის სარეაბილიტაციო სამუშაოების გამო, ორი დღით მიმდინარე წლის 30 - 31 იანვარს შეწყდება სასმელი წყლის მიწოდება, რისთვისაც ადიგენის მუნიციპალიტეტის მერია ბოდიშს გიხდით. აქვე გაცნობებთ,რომ სარეაბილიტაციო სამუშაოების დასრულებისთანავე სასმელი წყლის მიწოდება აღდგება ჩვეული რეჟიმით“, – აცხადებენ ადიგენის მუნიციპალიტეტის მერიაში.

კურცხანის წყლის სისტემის რეაბილიტაციისთვის ადგილობრივი ბიუჯეტიდან 95 000 ლარი დაიხარჯება. შეიცვლება 264 მეტრი დაზიანებული მილი.

[თინათინ ზაზაძე, ადიგენი]