ადიგენის სოფლებში სასმელი წყლის სისტემის რეაბილიტაცია იწყება

ადიგენის მუნიციპალიტეტის სოფლებში: წახანში, გომაროში, ციხისუბანში, ჭეჭლაში, სოფელ ადიგენში, შოლავერში, ქიქინეთში, მოხეში, კეხოვანში, ხარჯამში და ბენარაში სასმელი წყლის რეაბილიტაცია უახლოეს მომავალში დაიწყება.

ადგილობრივმა თვითმმართველობამ ტენდერი 25 ივლისს გამოაცხადა, წინადადაბების მიღება 7 აგვისტოს დასრულდება.

ტენდერში გამარჯვებულმა კომპანიამ სამუშაოები ხელშეკრულების გაფორმებიდან 21 დღეში უნდა დაასრულოს.

როგორც სატენდერო დოკუმენტაციაშია მითითებული აღნიშნულ სოფლებში სასმელი წყლის ქსელები ნაწილობრივ არის დაზიანებული და ესაჭიროება სარეაბილიტაციო სამუშაოების ჩატარება. საჭიროა სხვადასხვა დიამეტრის მილების შეძენა. გზებისა და ხევების გადაკვეთებში კი ლითონის მილების მოწყობა, პოლიეთილენის მილების გასატარებლად. შემსრულებელი ნაწილობრივ (ხარჯთაღრიცხვის მიხედვით) ასრულებს მიწის სამუშაოებს, ხოლო მილების მონტაჟს და დარჩენილი მიწის სამუშაოები უნდა შეასრულოს მოსახლეობამ საკუთარი ძალებით.

[sknews.ge]