ევროკავშირის ელჩი საქართველოში სამცხე–ჯავახეთს სტუმრობს

ევროკავშირის ელჩმა საქართველოში კარლ ჰარცელმა დღეს, 21 სექტემბერს დილის 10:00 სათიდან შეხვედრა ახალქალაქის სასწავლო ცენტრის ბენეფიციარებთან დაიწყო. ცენტრი ახალქალაქში, ეთნიკური უმცირესობების ინტეგრაციის მხარდაჭერის ფარგლებში, ქართული და ინგლისური ენების ინტენსიური შესწავლის კურსებს ატარებს.

ელჩი დღესვე, სოფელ ოკამს ესტუმრება, სადაც ევროკავშირის მიერ მხარდაჭერილი სოფლის განვითარების ინიციატივის პროექტში "ვულკანური წიდის მოპოვება და დამუშავება" ბენეფიციარს, ვულკანური წიდის სამთო კომპანია „მერიდიანი 2006“ წარმომადგენელს შეხვდება.

ასვე, სოფელ ოკამშივე იგეგმება ევროკავშირის მიერ მხარდაჭერილი სოფლის განვითარების ინიციატივის პროექტის ბენეფიციართან, მეწარმე არტურ ხაჩატრიანთან შეხვედრაც.

ელჩის ვიზიტის ფარგლებში, დასუფთავების მსოფლიო დღესთან დაკავშირებით, ახალქალაქის ციხის ტერიტორიის დასუფთავების აქცია მოეწყობა, რომელშიც მონაწილეობას ადგილობრივი თვითმმართველობის წარმომადგენლები მიიღებენ.

13:00 საათზე კი ახალქალაქის ცენტრალურ მოედანზე ევროპის დღეები ოფიციალურად სხვადასხვა ღონისძიებით გაიხსნება.

[sknews.ge]