12 მაისს სამცხე – ჯავახეთს ევროკავშირის ელჩი ესტუმრება

ევროკავშირის საქართველოს წარმომადგენლობა წელს ევროპის დღეს პირველად ახალქალაქში აღნიშნავს. ევროკავშირის ელჩი თავისი მისიის ფარგლებში პირველად იმოგზაურებს საქართველოს რეგიონში და ის სწორედ სამცხე-ჯავახეთს ეწვევა. ვიზიტის ფარგლებში იანოშ ჰერმანი სამცხე-ჯავახეთის გუბრენატორსა და ახალქალაქის გამგებელს შეხვდება და რეგიონის გამოწვევებსა და ერთობლივ გეგმებზე ისაუბრებს.

განსაკუთრებული აქცენტი სოფლის მეურნეობის საკითხებზე გაკეთდება. აღსანიშნავია, რომ ევროკავშირის ფინანსური დახმარებით ორგანიზაცია მერსი ქორფსი სწორედ ახალქალაქსა და ნინოწმინდაში ახორციელებს სოფლის მეურნეობის მხარდამჭერ პროექტს, რომელიც ENPARD-ის პროგრამის ნაწილია.

ევროპის დღის აღსანიშნავად ახალქალაქის კულტურის ცენტრში მოეწყობა საზეიმო კონცერტი. ENPARD-ის პროგრამის ფარგლებში მცირე ფერმერული კოოპერატივები წარმოადგენენ მათ მიერ წარმოებული საკვები პროდუქციის გამოფენა-გაყიდვას. მნახველები უფრო ახლოს გაიცნობებ იმ პროექტებს, რომლებსაც ევროკავშირი რეგიონში ახორციელებს.
ევროპის დღეები ENPARD-ის პროგრამის ინიცირებით ტარდება საქართველოს კიდევ 4 ქალაქში: მცხეთაში, ქუთაისში, ზუგდიდსა და ქობულეთში.

[Sknews.ge]