ევროკავშირის ელჩი სამცხე–ჯავახეთს ესტუმრება

ელჩი ბორჯომში, პროექტ „EU4Energy“-ს ფარგლებში უმაღლეს დონეზე გასატარებელი პოლიტიკის შესახებ მოლაპარაკებების გახსნით სესიას დაესწრება.

სესია სამ ეტაპადაა დაყოფილი – სოფლად ცხოვრების ხარისხის გაუმჯობესება სამცხე-ჯავახეთში, მოსაზრებების გაცვლა სამოქალაქო საზოგადოებასთან და საქართველოს ენერგეტიკული რეფორმების განხილვა.

ორდღიანი ღონისძიება მიზნად ისახავს შესაძლებლობების გაზრდას საქართველოს პარლამენტის წევრებისთვის, რომლებიც აქტიურად არიან ჩართულნი საქართველოში ელექტროენერგიის, ენერგოეფექტურობისა და განახლებადი ენერგიის ინსტიტუციონალური ჩარჩოს გაუმჯობესებაში.

შეხვედრაზე სიტყვით გამოვლენ საქართველოს პარლამენტის წევრი რომან კაკულია, ეკონომიკისა და მდგრადი განვითარების მინისტრის მოადგილე ნათია თურნავა და ევროკავშირის ელჩი საქართველოში კარლ ჰარცელი.

ელჩი ასევე, ეწვევა მოდერნიზებულ კვერცხის ქარხანას "ბორჯომის კვერცხი" და თხილამურების გამქირავებელ მაღაზიას ბაკურიანში.

[sknews.ge]