სოფელ მინაძესთან ავარიის შედეგად ორი ახალგაზრდა დაშავდა

ავტოსაგზაო შემთხვევა სოფელ მინაძიდან ერთ კილომენტრში მოხდა. თვითმხილველის თქმით, „ფიატის“ მარკის მანქანა ბორდიურს შეეჯახა.

დაშავებულები სასწრაფო სამედიცინო დახმარების ჯგუფმა ახალციხის რეფერალურ ჰოსპიტალში გადაიყვანა.

„ამ ეტაპზე ვერ გეტყვით რა მდგომარეობა აქვთ, მიმდინარეობს გამოკვლევები“, – ამბობს ახალციხის რეფერალური ჰოსპიტალის ხელმძღვანელი ხათუნა კეკელაშვილი.

„სამხრეთის კარიბჭე“ პასუხს შინაგან საქმეთა სამინისტროდანაც ელოდება. დაშავებულების მდგომარეობის შესახებ ინფორმაციას მოგვიანებით მოგაწვდით.



[მარიამ ბარძიმაძე, ახალციხე]