ახალციხეში ავტოსაგზაო შემთხვევის შედეგად მოპედის მძღოლი დაშავდა

ავტოსაგზაო შემთხვევა დღეს, ხუთ ოქტომბერს დაახლოებით 18:00 საათზე მოხდა.

„ოპელის“ მძღოლის განმარტებით მოპედი მაშინ დაეჯახა, როდესაც თამარაშვილის ქუჩაზე მანქანას ატრიალებდა.

„ადიგენიდან ჩამოვედი, წისქვილში ფქვილი დავფქვი. გვერდიდან დამეჯახა, მოტრიალებისას არ შემინიშნავს, ყველაფერი მოულოდნელად მოხდა“.

ავარიისას მხოლოდ მოპედის მძღოლი დაშავდა, რომელიც სასწარფო სამედიცინო დახმარების ჯგუფმა ახალციხის რეფერალურ ჰოსპიტალში გადაიყვანა.

„ახლა გამოკვლევები უტარდება, ვერ გეტყვით როგორია პაციენტის მდგომარეობა. გამოკვლევების ჩატარების შემდეგ გვეცოდინება, რა სახით გავაგრძელებთ მკურნალობას ან საჭირო იქნება თუ არა ქირურგიული ჩარევა“,–ამბობს ახალციხის რეფერალური ჰოსპიტალის დირექტორი ხათუნა კეკელაშვილი.

შემთხვევის ადგილზე მუშაობენ სმართალდამცველები.

საქართველოს შინაგან საქმეთა სამინისტროს ცნობით, მომხდარზე ძიება სსკ–ის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება.





[ლუბა გიორგაძე, ახალციხე]