მინაძეში ავარიისას დაშავებულების მდგომარეობა დამაკმაყოფილებელია

ახალციხის რეფერალურ ჰოსპიტალში აცხადებენ, რომ ავარიის შედეგად დაშავებულებს გამოკვლევები უკვე ჩაუტარდათ და ახლა დაკვირვების ქვეშ იმყოფებიან.

„არცერთ მათგანს ოპერაცია არ დასჭირდა. ორივე კარგად გრძნობს თავს და შესაძლოა დღის ბოლომდე სახლშიც გავწეროთ“, – გვითხრეს ახალციხის რეფერალურ საავადმყოფოში.

შეგახსენებთ, რომ ავტოსაგზაო შემთხვევა სოფელ მინაძეში, დღეს 11 მარტს დილით მოხდა. ასპინძიდან ახალციხის მიმართულებით მიმავალი მიკროავტობუსი ხეს შეეჯახა და ამობრუნდა. შემთხვევის შედეგად ორი ადამიანი დაშავდა. ორივე მათგანი სასწრაფო სამედიცინო დახმარების ჯგუფმა ახალციხის რეფერალურ ჰოსპიტალში გადაიყვანა.

მომხდარზე ძიება ავტოსაგზაო მოძრაობის წესების დარღვევის მუხლით მიმდინარეობს.

[sknews.ge]