აწყურთან ავარიის შედეგად რვა ადამიანი დაშავდა

მთავარი → სიახლე, სამართალი 10.11.2018

შინაგან საქმეთა სამინისტროს ინფორმაციით, სოფელ აწყურთან ავარიის შედეგად, რვა პირი დაშავდა. ოთხი მათგანი ახალციხის სამედიცინო კლინიკებში გადაიყვანეს.

აწყურთან ავარიის შედეგად რვა ადამიანი დაშავდა

ახალციხე–თბილისის საავტომობილო გზაზე, სოფელ აწყურთან ორი ავტომანქანის შეჯახების შედეგად დაშავებულები ახალციხის სამედიცინო დაწესებულებებში გადაჰყავთ.

სასწრაფო–სამედიცინო სამსახურის ბრიგადამ ორი მგზავრი ახალციხის რეფერალურ ჰოსპიტალში გადაიყვანეს, მათი მდგომარეობა მძიმეა.

კიდევ ორი პირი კი ახალციხის კლინიკა "იმედშია" გადაყვანილი: "ახლა შემოიყვანეს ორი დაშავებული, მათი მდგომარეობა სტაბილურია. მათთან ექიმები მუშაობენ".

როგორია სხვა დაშავებულების მდგომარეობა ჯერ–ჯერობით უცნობია. ისინი სასწრაფო სამსახურს საავადმყოფოებში ეტაპობრივად შეჰყავთ.

შეგახსენეთ, რომ ავტოსაგზაო შემთხვევა დღეს, 10 ნოემბერს სოფელ აწყურთან მოხდა. ერთმანეთს მიკროავტობუსი და მსუბუქი მანქანა შეეჯახნენ. შემთხვევას მსხვერპლი მოჰყვა.

მომხდარს შინაგან საქმეთა სამინისტრო სისხლის სამართლის კოდექსის 276–ე მუხლის მეხუთე ნაწილით იძიებს, რაც ავტოსაგზაო მოძრაობის წესების დარღვევას გულისხმობს, რამაც ადამინის სიცოცხლის მოსპობა გამოიწვია.

[ლუბა გიორგაძე, ახალციხე]