მინაძესთან ავარიისას დაშავებულებმა გამოკვლევების ჩატარებაზე უარი განაცხადეს

ავტოსაგზაო შემთხვევა მინაძესთან დღეს, 11 სექტემბერს, დაახლოებით 12:00 საათზე მოხდა.

„რაიმე განსაკუთრებული დაზიანება არ ჰქონიათ, აღენიშნებოდათ დაჟეჟილობები, თუმცა გამოკვლევების ჩატარებაზე უარი განაცხადეს და დატოვეს კლინიკა“, გვითხრეს ახალციხის რეფერალურ ჰოსპიტალში.

მომხდარზე გამოძიება შინაგან საქმეთა სამინისტრომ სსკ–ს 276 მუხლის მეორე ნაწილით დაიწყო.

ავტოსაგზაო შემთხვევა სოფელ მინაძიდან ერთ კილომეტრში მოხდა. თვითმხილველის თქმით, „ფიატის“ მარკის მანქანა ბორდიურს შეეჯახა.

[მარიამ ბარძიმაძე, ახალციხე]