ოჯახში ძალადობის შემთხვევები სამცხე-ჯავახეთში [ინფოგრაფიკა]

2019 წელს, შვიდი თვის განმავლობაში, ოჯახში ძალადობის ფაქტზე, შინაგან საქმეთა სამინისტრომ რეგიონის მასშტაბით სულ 74 შემაკავებელი ორდერი გასცა, ხოლო გასული წლის ამავე პერიოდში - 56.



შსს–ს მიერ გამოქვეყნებული სტატისტიკის მიხედვით, 2019 წლის იანვარი–ივლისის პერიოდში გაცემული შემაკავებელი ორდერების მიხედვით, მოძალადეთა რაოდენობა 57-ია.

მათგან 48 მამრობითი სქესის, 9 – მდედრობითი.

მამრობითი სქესის მოძალადეთაგან უმრავლესობა 25– დან 44 წლამდე ასაკობრივ კატეგორიაშია.

რაც შეეხება ქალ მოძალადეებს, 9 გამოვლენილი მოძალადიდან, ყველაზე მეტი – 4 , 25–44 წლისაა.



2018 წლის მონაცემების მიხედვით, სამცხე – ჯავახეთში, 44 მოძალადიდან 38 კაცია.

კაცი მოძალადეებიდან უმრავლესობა 25-დან 44 წლამდე ასაკობრივ კატეგორიაშია.

რაც შეეხება ქალ მოძალადეებს, ყველა მათგანი 45 წელს გადაცილებულია.



ჯამში 2018 – 2019 წლის ივლისის ჩათვლით, სამცხე-ჯავახეთში 170 შემაკავებელი ორდერი გაიცა. მოძალადეების საერთო რაოდენობა კი, 136-ია.

ვინ არის მსხვერპლი

მიმდინარე წლის იანვარი–ივლისის მონაცემების მიხედვით:

ძალადობის მსხვერპლი 70 ადამიანიდან 62 ქალია, 8 - კაცი.

ქალებიდან ყველაზე მეტი 25–44 ასაკობრივ კატეგორიაშია.

8 მამაკაციდან კი ყველაზე მეტი, ოთხი მსხვერპლი 45 წელს გადაცილებულია.

რაც შეეხება არასრულწლოვნებს, ოჯახში ძალადობის შედეგად დაზარალებული ოთხი არასრულწლოვანია.

2018-2019 წლის ივლისის ჩათვლით, სამცხე-ჯავახეთში ძალადობის მსხვერპლი 148 ადამიანია.

[რობი ზარიძე, ახალციხე]