სამცხე–ჯავახეთში, 2018 წელს, ოჯახში ძალადობის 105 ფაქტი გამოვლინდა

2018 წლის პირველ ექვს თვეში ოჯახში დანაშაულის 2 804 ფაქტზე დაიწყო გამოძიება, მათ შორის სამცხე–ჯავახეთში ოჯახში ძალადობის 105 ფაქტი დაფიქსირდა, აქედან შინაგან საქმეთა სამინისტროს ცნობით 76 გახსნილია.

უწყების ცნობით, მიმდინარე წლის 6 თვეში დაკავებულია 1 328 პირი.

რაც შეეხება შემაკავებელ ორდერებს, 2018 წლის 6 თვეში გამოცემული შემაკავებელი ორდერების რაოდენობა (3 292) ორჯერ აღემატება მთელი 2017 წლის მონაცემს. შსს-ს ცნობით, დაბალია შემაკავებელი ორდერის პირობების დარღვევის მაჩვენებელი, რაც მხოლოდ 7%-ს შეადგენს და ძირითადად, “მიახლოების აკრძალვის” დარღვევაში გამოიხატება.

შინაგან საქმეთა მინისტრის მოადგილემ ნათია მეზვრიშვილმა დღეს, 10 ივლისს გამართულ ბრიფინგზე ისაუბრა იმ საკანონმდებლო ცვლილებების შესახებ, რომელიც ამჟამად პარლამენტში განიხილება. კანონპროექტის მიხედვით:

მკაცრდება სასჯელი ოჯახში ძალადობაზე;

გენდერული ნიშნით დანაშაულის ჩადენა დამამძიმებელი გარემოება ხდება ცალკეული დანაშაულებისთვის;

მკაცრდება სასჯელი ოჯახური დანაშაულის განმეორებით ჩადენისათვის;

შემაკავებელი და დამცავი ორდერის პირობების დარღვევისთვის გათვალისწინებულია პირდაპირ სისხლისსამართლებრივი პასუხისმგებლობა, ნაცვლად დღეს არსებული ადმინისტრაციული პასუხისმგებლობისა.

[sknews.ge]