მაღალი რისკის მქონე მოძალადეებს ელექტრონული სამაჯურით გააკონტროლებენ

ელექტრონული სამაჯურების დანერგვის საკითხზე, "პალიტრა ნიუსის" ეთერში შსს-ს ადამიანის უფლებათა დეპარტამენტის ხელმძღვანელმა ლონდა თოლორაიამ განაცხადა. მისი თქმით, მაქსიმუმ, წლის ბოლოსთვის ელექტრონული სამაჯურები დანერგილი იქნება.

"ელექტრონული სამაჯური გაიცემა მხოლოდ მაღალი რისკის მქონე მოძალადეებზე და ისეთი შემთხვევების დროს, სადაც სიცოცხლისა და ჯანმრთელობის დაზიანების მაღალი საფრთხე არსებობს. რისკი შეფასდება შესაბამისი ინსტრუმენტით, რომლის დანერგვასაც შსს შემდეგი თვიდან გეგმავს", - განაცხადა ლონდა თოლორაიამ.

შსს-მ ბოლო სამი თვის განმავლობაში, ოჯახში ძალადობის ფაქტზე 800-ზე მეტი პირი დააკავა და 1400-ზე მეტი შემაკავებელი ორდერი გამოსცა.
შეგახსენებთ, რომ გაეროს ქალთა ორგანიზაციამ (UN Women) ქალთა მიმართ ძალადობის ახალი ეროვნული კვლევის შედეგების მიხედვით, ქალზე ძალადობის ყველაზე მაღალი მაჩვენებელი თბილისსა და სამცხე–ჯავახეთშია.

სამცხე–ჯავახეთში ქალთა მიმართ სექსუალური ძალადობის - 1%; ფიზიკური - 7%; ემოციური -21% ნებისმიერ სახის - 21% ფიქსირდება.

[sknews.ge]