გაგრძელდება თუ არა უნივერსიტეტში აბიტურიენტების უფასოდ მომზადების პროგრამა

უნივერსიტეტის რეტორის მოადგილის, ნიკო ახალკაცის თქმით, მომზადების პროგრამაის გაგრძელება, მის შედეგებზეა დამოკიდებული: „ბოლო სამი–ოთხი წელია ჩვენთან 200–210 სტუდენტი აბარებს მომზადების პროგრამა თუ 40–50 სტუდენტს მაინც მოგვიმატებს, მაშინ გავაგრძელებთ“.

ახალკაცის თქმით, აბიტურიენტების მომზადების პროგრამა 2000 –2008 წლამდე ფუნქციონირებდა: „აბიტურიენტების მომზადებით მათი მოზიდვა კარგი პრაქტიკაა და ამიტომ შარშან აღვადგინეთ. გასულ წლებში ვნახეთ, რომ რამდენიმე სტუდენტი, რომლებსაც ჩვენთან ჩაბარება სურდა, ჩაიჭრა და ესეც იყო ერთ–ერთი ფაქტორი, რის გამოც აბიტურიენტები ისევ მოვამზადეთ“.

რექტორის მოადგილის განმარტებით, აბიტურიენტთა მომზადების პროგრამის გაგრძელების შემთხვევაში, აბიტურიენტების ნაწილს მომზადებაში გადახდილი თანხა უკან დაუბრუნდებათ: "ის აბიტურიენტები, რომლებიც ჩვენთან ემზადებოდნენ და სამცხე-ჯავახეთის უნივერსიტეტის სტუდენტები ხდებიან, მომზადებაში გადახდილ თანხას უკან ვუბრუნებთ".

სამცხე–ჯავახეთის უნივერსიტეტში ჩარიცხულ სტუდენტთა რაოდენობა აგვისტოს ბოლოს გახდება ცნობილი.

[ავთო ინასარიძე, ახალციხე]