სამცხე–ჯავახეთის უნივერსიტეტში დაწყებითი განათლების პროგრამამ აკრედიტაცია გაიარა

სამცხე–ჯავახეთის სახელმწიფო უნივერსიტეტის რექტორი მაკა ბერიძე ამბობს, რომ დაწყებითი განათლების მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამა უნიკალურია, რადგან მისი გავლის შემდეგ სტუდენტი მაგისტრის დიპლომსა და უფროსი მასწავლებლის სტატუსს მიიღებს.

აღნიშნულ პროგრამაზე მიღებას უნივერსიტეტი 11 აგვისტოს გამოაცხადებს.

„წელს 45 სტუდენტს მივიღებთ ამ პროგრამაზე და აქედან 35–ს სახელმწიფო აფინანსებს, ანუ უფასოა. საქართველოში ასეთი პროგრამა ჯერ არ ყოფილა და ყველა უნივერსიტეტი პირველად იღებს“, – ამბობს მაკა ბერიძე.

უნივერსიტეტი კიდევ ორი პროგრამის – ქართულ ენაში მომზადების და აგრონომის – აკრედიტაციას ელოდება. ამ პროგრამების პასუხები სექტემბერში გაირკვევა.

[მარიამ ბარძიმაძე, ახალციხე]