სამცხე–ჯავახეთის უნივერსიტეტში 371 აბიტურიენტი ჩაირიცხა

უნივერსიტეტის რექტორის მოადგილის ნიკო ახალკაცის განცხადებით, 2017–2018 სასწავლო წელს საბაკალავრო პროგრამებზე 208 აბიტურიენტი ჩაირიცხა.

გარდა ამისა, უნივერსიტეტში ჩაირიცხა 97 სომხურენოვანი აბიტურიენტი, რომლებსაც სომხური სკოლა აქვთ დამთავრებული. ამიტომ ისინი ჯერ ქართული ენის ერთწლიან პროგრამას გაივლიან და შემდეგ ჩაირიცხებიან ბაკალავრიატში.

აღნიშნული ერთწლიანი პროგრამა უკვე გაიარა 26–მა აზერბაიჯანულენოვანმა და 40–მა სომხურენოვანმა აბიტურიენტმა.
ჯამში, უნივერსიტეტმა სასწავლებლად წელს 371 აბიტურიენტი მიიღო.

ნიკო ახალკაცის განმარტებით, რამდენი სტუდენტი ჩაირიცხება მაგისტრატურის და დოქტორანტურის პროგრამებზე რამდენიმე დღეში გახდება ცნობილი.

სამცხე–ჯავახეთის სასწავლო უნივერსიტეტში სასწავლო პროცესი18 სექტემბრიდან განახლდება.

[თინათინ ზაზაძე, ახალციხე]