"აჭარის მთავრობიდან ჭელაში სტუმრობას არავინ გეგმავდა"

მიუხედავად გავრცელებული ინფორმაციისა, აჭარის მთავრობის პრესსამსახურის წარმომადგენლის ნათია სირაბიძეს განმარტებით, გუშინ, 20 სექტემბერს აჭარის მთავრობიდან ჭელაში სტუმრობას არავინ გეგმავდა.

„მრევლიდან გამოყოფენ 5 კაცს, რომლებიც ჩამოვლენ ბათუმში და შეხვდებიან აჭარის მთავრობის წარმომადგენელს, მაგრამ თუ საჭირო გახდება, თავად არჩილ ხაბაძეც წავა ჭელაში და დაელაპარაკება ადგილობრივებს“, - გვითხრა ნათია სირაბიძემ.

შეგახსენებთ, რომ გუშინ საღამოს ჭელის მეჩეთში შეკრებილი 500-მდე მუსლიმი სრულიად საქართველოს მუფთს ჯემალ პაქსაძესა და მთავრობის წარმომადგენლებს ელოდა. ადგილობრივების ინფრომაციით, მათთან შესახვედრად აჭარის მთავრობის თავმჯდომარე არჩილ ხაბაძე მიდიოდა. თუმცა დღის ბოლოს, ჭელაში მრევლთან მხოლოდ პაქსაძე გამოჩნდა.

[sknews.ge]