მესხეთის თეატრის დასი სამინისტროს გადაწყვეტილებას ელოდება

16 სექტემბერს ერთ თვიანი შესვენების შემდეგ მესხეთის სახელმწიფო დრამატული თეატრის თანამშრომლებმა მუშაობა განაახლეს.

„ადმინისტრაცია ჩვეულებრივად მუშაობს, მაგრამ შემოქმედებითი ჯგუფი ჯერ გაჩერებულია, სანამ არ გადაწყდება სამხატვრო ხელმძღვანელის დანიშვნა არ დანიშვნის საკითხი. გუშინ შევიკრიბეთ და ვისაუბრეთ, მმართველი თბილისშია დაბარებული, რა გადაწყდება არ ვიცით“, - ამბობს მესხეთის სახელმწიფო დრამატული თეტარის მსახიობი მანუჩარ გოგოლაური.

ვინ იქნება თეატრის სამხატვრო ხელმძღვანელი ჯერ გარკვეული არ არის. თეატრში კულტურის სამინისტროს გადაწყვეტილებას ელოდებიან.

„ჯერ ახალი არაფერი არ არის“, - გვითხრა სატელეფონო საუბარში მესხეთის სახელმწიფო დრამატული თეატრის მმართველმა ლია სულიაშვილმა.

შეგახსენებთ, რომ დასიდან 16 მსახიობი მხარს სამხატვრო ხელმძღვანელის პოსტზე რეჟისორ თამაზ იმნაძეს უჭერს, თუმცა კულტურის სამინისტროს სარეკომენდაციო საბჭომ მხარი ლია სულუაშვილს დაუჭირა.

[sknews.ge]