‘ალი და ნინო’ - მესხეთის თეატრის სცენაზე

„ალი და ნინო“ მესხეთის თეატრში დღეს, 25 სექტემბერს გაიმართება. მას ცხინვალის ივ. მაჩაბლის სახელობის სახელმწიფო დრამატული თეატრის დასი წარმოადგენს. სპექტაკლის რეჟისორი გოჩა კაპანაძეა.

ყურბან საიდის ნაწარმოების მიხედვით შექმნილ სპექტაკლში „ალი და ნინო“, ნაჩვენებია აზერბაიჯანელი მუსლიმი ალი ხან შირვანშირისა და ქართველი ქრისტიანი ნინო ყიფიანის სიყვარულის ისტორია. რომანში მოქმედება პირველი მსოფლიო ომის ფონზე ვითარდება.

სპექტაკლში გამოყენებულია სხვადასხვა ქვეყნის ფოლკლორი და კლასიკური მუსიკა.

წარმოდგენა 19:00 საათზე დაიწყება. ბილეთის ფასი ხუთი ლარია.

მესხეთის სახელმწიფო დრამატული თეატრის ადმინისტრაციის განმარტებით, სპექტაკლების განრიგში ცვლილება შევიდა. კერძოდ, 26 სექტემბერს დანიშნული - „იაკიში და პუპჩე“, რომელსაც სოხუმის კონსტანტინე გამსახურდიას სახელობის სახელმწიფო დრამატული თეატრი წარმოადგენს, პირველ ოქტომბერს გაიმართება.

26 სექტემბერს კი თეატრში სპექტაკლი არ იქნება.

[თაკო ფეიქრიშვილი, ახალციხე]