'საინტერესო ესე შემხვდა' - ქართული ენის და ლიტერატურის მეორე სესია დასრულდა

"ჩემთვის გამოცდამ კარგად ჩაიარა, საათსა და 15 წუთში ყველა საკითხს მოვრჩი. საინტერესო ესე შემხვდა - "არსებობს მოსაზრება, რომ მოწინააღმდეგის დამცირება საკუთარი უძლურობის მაჩვენებელია". ჩემი მოსაზრებებით დავეთანხმე", - გვითხრა ნარინე ოგანესიანმა, რომელიც ახალციხის უნივერსიტეტში ეკოლოგიის შესწავლას გეგმავს.

"გამოცდის ჩასაბარებლად ასპინძიდან ჩამოვედი. საკითხები, რომელიც არ გამივლია, არ შემხვედრია, გამოცდით კმაყოფილი ვარ", - გვითხრა გამოცდიდან გამოსულმა გიორგი ლოლაძემ.

მეორე სესიაზე გამოცდისთვის რეგისტრაცია, საქართველოს ყველა საგამოცდო ცენტრში, 14:00 საათზე დაიწყო, გამოცდა კი – 15:00 საათზე. გამოცდის ხანგრძლივობა 3 საათი და 45 წუთია.

ახალციხის საგამოცდო ცენტრის უფროსის, გელა ინასარიძის განმარტებით, საგამოცდო პროცესი მშვიდ ვითარებაში მიმდინარეობს.
ერთიანი ეროვნული გამოცდები ხვალ, 2 ივლისს, ქართული ენისა და ლიტერატურის მესამე და მეოთხე სესიებით გაგრძელდება.

[ავთო ინასარიძე, ახალციხე]