ახლადშექმნილი ინტერმუნიციპალური ააიპ–ი თანამშრომლების შესარჩევად კონკურსს აცხადებს

კონკურსზე განაცხადების მიღება 20 ივნისს დაიწყო და 30 ივნისს დასრულდება.

ინტერმუნიციპალური ააიპ–ი კონკურსით აღმასრულებელ დირექტორს, ტურიზმის განვითარებისა და პროექტების მენეჯერს, ასევე მარკეტინგისა და საზოგადოებასთან ურთიერთობის (PR) მენეჯერს შეარჩევს.

კონკურსი, ორ ეტაპად ჩატარდება, პირველ ეტაპზე აპლიკანტი 15 წუთიანი პრეზენტაციით წარსდგება საკონკურსო კომისიის წინაშე, სადაც სამცხე-ჯავახეთის რეგიონში ტურიზმის განვითარების შესახებ საკუთარ ხედვაზე ისაუბრებს, მეორე ეტაპი გასაუბრება იქნება.

საკონკურსო კომისია მხარის ადმინისტრაციის, ადგილობრივი მუნიციპალიტეტისა და ბიზნესსექტორის წარმომადგენლებისგან დაკომპლექტდება.

აღნიშნულ პოზიციებზე დასაქმების მსურველებს მოეთხოვებათ უმაღლესი განათლება, შესაბამის პოზიციაზე სამიდან ხუთ წლამდე მუშაობის გამოცდილება, ასევე რუსულის და ინგლისურის ცოდნა.

ახალი ააიპ–ი რეგიონში ტურიზმის განვითარების მიმართულებით იმუშავებს.

[ლუბა გიორგაძე, ახალციხე]