ურაველში ადიდებული ხევისგან დატბორილი გზა ტექნიკით იწმინდება

ადგილობრივ თვითმმართველობაში ამბობენ, რომ სტიქიის შედეგად ურავლის გზაზე ასფალტი დაზიანებული არ არის.

ადიდებულმა ხევმა ურავლის მიმდებარედ, აგარების მონასტრის გზაზე არსებული ხიდიც წაიღო. მერიაში აცხადებენ, რომ ვიდრე ახალი კონსტრუქციის შეძენა მოხდება, დროებით დაზიანებულ ხიდს შეაკეთებენ.

„აგარების მონასტრისაკენ გზა ჩაკეტილი არ არის, აქ ხიდის გარდა, შემოვლითი გზაც არის და მსურველებს შეუძლიათ, ხიდის გაკეთებამდე მეორე გზით ისარგებლონ“, – აცხადებენ მერიაში.

23 ივნისს, ძლიერი წვიმის შედეგად ადიდებულმა ხევმა ურაველში საქონლის სადგომები და ნაკვეთები დატბორა.

[ლუბა გიორგაძე, ახალციხე]