ადიგენის საოლქომ საკრებულოს შუალედური არჩევნების შემაჯამებელი ოქმი შეადგინა

N38 ადიგენის საოლქო საარჩევნო კომისიის თავმჯდომარე ჯაბა მაჭარაშვილი, ადიგენის საკრებულოს შემაჯამებელ ოქმს, ორი დღის განმავლობაში წარუდგენს.წარმომადგენლობითი ორგანო კი „ქართული ოცნების“ დეპუტატის გენადი ბოლქვაძის არჩევას ცნობად მიიღებს.

2019 წლის 19 მაისის შუალედურ არჩევნები, სამცხე–ჯავახეთში მხოლოდ ერთ, ადიგენის N2 აბასთუმნის უბანზე ჩატარდა. ადგილობრივებმა ხმათა უმრავლესობით, რეგისტრირებული ცხრა კანდიდატიდან „ქართული ოცნების“ კანდიდატი გენადი ბოლქვაძე აირჩიეს.

არჩევნებში მონაწილეობა ჯამში, 634 ამომრჩეველი მონაწილეობდა, აქედან 584 ხმა „ქართული ოცნების“ კანდიდატმა მიიღო, 12 ბიულეტენი გაბათილდა, ხოლო დარჩენილი 38 ბიულეტენი რვა ოპოზიციურ კანდიდატზე გადანაწილდა.

[ლუბა გიორგაძე, ადიგენი]