არქივი ძველ ნასახლარზე აშენდება

მანველიშვილის N5–ში მდებარე ქალაქის არქივის შენობის გვერდით, სადაც სამცხე–ჯავახეთის არქივი უნდა აშენებულიყო, XVIII-XIX საუკუნით დათარიღებული შენობის კედლები აღმოჩნდა. ამის გამო არქივის პროექტი, ძეგლთა დაცვის ეროვნული სააგენტოს რეკომენდაციით, შეიცვალა.

აღმოჩენილი შენობა დაკონსერვდა, ზედ კი ახალ შენობას ააშენებენ. სამუშაოები „ხომერიკი და კომპანიამ“ ორ აპრილს განაახლა. აქ საჯარო რეესტრის ეროვნული სააგენტოს ნინოწმინდის, ახალქალაქისა და ბორჯომის არქივები უნდა განთავსდეს.

საგულისხმოა, რომ მშენებლობა 2017 წლის ნოემბერში დაიწყო.



[თორნიკე ზაზაძე, ახალციხე]