სამსახურიდან გათავისუფლებულმა მეეზოვემ „კეთილმოწყობას“ სასამართლო მოუგო

გადაწყვეტილება მოსამართლე ნათია მერაბიშვილმა დღეს, 17:30 საათზე გამოაცხადა. დათო ლომიძეს პირველი იანვრიდან იძულებით განაცდური საათებისთვის, ხუთას ლარამდე აუნაზღაურდება.

„მინდა ყველამ გაიგოს, რომ მე მარტო ჩემი თავისთვის არ მიბრძოლია, იმედია დანარჩენ მეეზოვეებს გაუჩნდებათ განცდა, რომ მათი სიმართლე გაიმარჯვებს და ერთმანეთს გვერდში დაუდგებიან“, - განაცხადა მეეზოვემ პროცესის დასრულების შემდეგ.

მოპასუხე მხარის ადვოკატის, ნინო დემეტრაძის თქმით, ჯერ არ იციან გაასაჩივრებენ თუ არა სასამართლოს გადაწყვეტილებას.

"ვინაიდან დათო ლომიძე დაკავებულ პოზიციაზე 30 თვეზე მეტ ხანს მუშაობდა და მასზე უვადო ხელშეკრულება მოქმედებდა, მისი სამსახურიდან ხელშეკრულების ვადის გასვლის შედეგად გათავისუფლება ვერ დაკმაყოფილდებოდა, – განაცხადა მოსამართლე ნათია მერაბიშვილმა

ლომიძე, ახალციხის კეთილმოწყობის სამსახურიდან 2018 წლის 31 დეკემბერს ხუთ თანამშრომელთან ერთად გაათავისუფლეს.

[ავთო ინასარიძე, ახალციხე]