მეეზოვისა და ელექტრიკოსების სარჩელი სასამართლომ წარმოებაში მიიღო

„მეეზოვეების და ელექტრიკოსების სარჩელი წარმოებაშია მიღებული. შესაგებლის წარდგენის შემდეგ გაირკვევა როდის ჩაინიშნება პირველი პროცესი“ – ამბობს ელქტრიკოსებისა და მეეზოვეების ინტერესების დამცველი ეკა აბაშიძე.

სასამართლოში მეეზოვე დათო ლომიძე, ასევე ელექტრიკოსები პავლე ათუნაშვილი და ივანე დავიდოვი ჩივიან. სამივე მათგანი, სამსახურში აღდგენას ითხოვენ. შპს "კეთილმოწყობის" თანამშრომლები სამსახურიდან 31 იანვარს გაათავისუფლეს.

მათ პირველად სასამართლოს საჩივრით 29 იანვარს მიმართეს, თუმცა იმის გამო რომ სარჩელში სამართლებრივი ხარვეზები იყო, სასამართლომ წარმოებაში არ მიიღო. კეთილმოწყობის ყოფილმა თანამშრომლებმა სარჩელი ხელახლა 20 თებერვლას დაარეგისტრირეს.

ახალციხის რაიონულ სასამართლოში გვითხრეს, რომ კეთილმოწყობის სამსახურის ყოფილი თანამშრომლების საქმეს მოსამართლე ნათია მერაბიშვილი განიხილავს.

[ავთო ინასარიძე, ახალციხე]