ახალციხეში ფაშიზმზე გამარჯვების დღე აღნიშნეს [Photo]

ადგილობრივი ხელისუფლების წარმომადგენლებმა, მემორიალი გვირგვინებით შეამკეს და მეორე მსოფლიო ომის ვეტერანებს ფაშიზმზე გამარჯვების 72–ე წლისთავი მიულოცეს.

„დღეს მართლაც დიდი ზეიმია, ფაშიზმზე გამარჯვების დღე და ამას ყოველთვის აღნიშნავს საზოგადოება“,– განაცხადა ახალციხის მერმა ვლადიმერ ზედგინიძემ.

მემორიალთან დღეს მხოლოდ ოთხი ვეტერანი მივიდა, ისინი, ვინც ახალციხეში ცხოვრობენ. მათთვის ადგილობრივმა ცეკვისა და სიმღერის ანსამბლებმა კონცერტი გამართეს.

პროფესიული კოლეჯის "ოპიზარის“ დირექტორმა ვეტერანები სასწვალებელში დამზადებული ტკბილეულით დაასაჩუქრა.

ახალციხის მერიამ ვეტერანები საზეიმო სადილზე მიიწვია. მერია თითოეულ მათგანს 200–200 ლარს დაურიცხავს.

ბოლო მონაცემებით, სამცხე–ჯავახეთში 55 ვეტერანი ცხოვრობს: ახალქალაქი – 13, ნინოწმინდა – 4, ახალციხის თემი – 10, ქალაქი ახალციხე – 4, ასპინძა – 4, ადიგენი – 3 და ბორჯომი – 17.





















[მარიამ ბარძიმაძე, ახალციხე]