ადიგენის საკრებულოს დეპუტატი ლაზარე ჩილინგარაშვილი გარდაიცვალა

ლაზარე ჩილინგარაშვილი ადიგენის მუნიციპალიტეტის საკრებულოს დეპუტატად "ქართული ოცნებიდან" 2017 წლის ადგილობრივი თვითმმართველობის არჩევნებზე აირჩიეს. 2009 წლიდან იგი ადიგენის მუნიციპალიტეტში გამგებლის თანაშემწედ მუშაობდა.

შეკითხვაზე, ჩატარდება თუ არა არჩევნები 19 მაისს ადიგენის საკრებულოში დეპუტატის ასარჩევად, ადიგენის საოლქო საარჩევნო კომისიის თავმჯდომარემ ჯაბა მაჭარაშვილმა გვიპასუხა: " საკრებულოს წევრის უფლებამოსილების შეწყვეტის შემთხვევაში თუ ეს მოხდა 15–თებერვლიდან 15–ივლისამდე მაშინ არჩევნები უნდა ჩატარდეს ოქტომბერში".

ადიგენში, კურორტ აბასთუმანში ადგილობრივი თვითმმართველობის შუალედური არჩევნები მხოლოდ ერთ, აბასთუმნის N2 საარჩევნო უბანზე გაიმართება. აბასთუმნის დეპუტატი ტარიელ ენდელაძე იყო, იგი ავადმყოფობის შედეგად 2018 წლის ოქტომბერში გარდაიცვალა.

[თინათინ ზაზაძე, ადიგენი]