გენადი ბოლქვაძე საკრებულოში დეპუტატის საქმიანობას შეუდგა

ადიგენის საკრებულოში სხდომა ოთხ ივნისს გაიმართა.

საკრებულოს წევრებმა, დეპუტატად გენადი ბოლქვაძის არჩევა და მისი უფლებამოსილების ცნობა, N38 ადიგენის საოლქო საარჩვენო კომისიის მიერ წარდგენილი შემაჯამებელი ოქმის საფუძველზე მიიღო.

N2 აბასთუმნის საარჩევნო უბანზე შუალედური არჩევნები 19 მაისს გაიმართა, სადაც მონაწილეობას ცხრა კანდიდატი იღებდა, თუმცა მათ შორის ხმათა უმრალესობა „ქართული ოცნების“ კანდიდატმა გენადი ბოლქვაძემ მიიღო.

არჩევნებში აბასთუმნის უბანზე რეგისტრირებული 634 ამომრჩეველი მონაწილეობდა, აქედან 584 ხმა „ოცნების“ კანდიდატს ერგო, 12 ბიულეტენი გაბათილდა, 38 ხმა კი ოპოზიციურმა კანდიდატებმა გადაინაწილეს.

აბასთუმანში შუალედური არჩევნების ჩატარება მას შემდეგ გადაწყდა, რაც, ხანგრძლივი ავადმყოფობის შემდეგ, ყოფილი დეპუტატი ტარიელ ენდელაძე გარდაიცვალა.

[ლუბა გიორგაძე, ადიგენი]