ადიგენში მართლმადიდებლებმა აქცია გამართეს

აქცია ადიგენის მუნიციპალიტეტის გამგეობის წინ 15:00 საათზე დაიწყო და დაახლოებით ერთ საათს გაგრძელდა.

ადგილობრივების თქმით, აქციას 200-მდე ადამიანი ესწრებოდა.

როგორც სოფელ ჭეჭლაში მცხოვრები ნელი მეტრეველი ამბობს, მათ არ სურთ, რომ მინარეთი სოფელ ჭელაში კვლავ დააბრუნონ.

„ჩვენ კარგი მეზობლური დამოკიდეუბლება გვაქვს ერთმანეთთან. მათ აქვთ მეჩეთი თითქმის ყველა სოფელში და ლოცულობენ, მაგრამ მინარეთი რაღატომ დადგეს?! თანაც უკანონოდ. მათ ლოცვას არავინ უშლის, მაგრამ მიანრეთის დადგმის შემდგომ ზემოდან რომ გადმოგეხედა თავი მუსლიმურ ქვეყანაში გეგონებოდა. მინარეთი ჭელაში აღარ უნდა დააბრუნონ“, - გვითხრა მეტრეველმა.

აქციის მონაწილეებს ადგილობირვი არასამთავრობო ორგანიზაცია „საზოგადოებრივი დარბაზის“ წარმომადგენლებიც შეუერთდნენ. აღნიშნული ორგანიზაციის წევრები არამხოლოდ სოფელ ჭელაში, არამედ საქართველოში მინარეთის არსებობას აპროტესტებენ.

„მოვითხოვთ მინარეთი დაიდგას "ნაციონალური მოძრაობის" ოფისის ეზოში და ყველა იმ ადამიანის ეზოში, ვინც საქართველოში მინარეთის არსებობას მიესალმება“, - განაცხადა „საზოგადოებრივი დარბაზის“ თავმჯდომარემ გოდერძი კუბლაშვილმა.


გოდერძი კუბლაშვილი

[sknews.ge]