ახალქალაქში, რუსთაველის ძეგლის მიმდებარე ტერიტორია ფეკალიებით იტბორება [Photos]

შოთა რუსთაველის ძეგლი ახალქალაქის შესასვლელში დგას, ტერიტორია რკინის ღობითაა შემოსაზღვრული, საკანალიზაციო მილები კი რომელსაც თან ფეკალიების ნიაღვარი მოჰყვება, ეზოს შესასვლელთან გადის.

ადგილობრივები ამბობენ, რომ ეს პრობლემა დიდი ხანია აწუხებთ, განსაკუთრებით ცუდი სუნი და ანტისანიტარიაა ზაფხულში.

ძეგლის ზედა მხარეს, ქალაქის მიმართულებით, ადგილობრივების კომერციული ობიექტებია განთავსებული, თუმცა ვის ეკუთვნის საკანალიზაციო სისტემა უცნობია.

ახალქალაქის მერი იური უნანიანი ამბობს, რომ დაბინძურებული ტერიტორიის შესახებ ინფორმაცია არ აქვს: „შევისწავლი და ამის შემდეგ დაგელაპარაკებით ამ საკითხზე".







[თინათინ ზაზაძე, ახალქალაქი]