ბორჯომში კოსტავას სახელობის სკვერი ფეკალიებით იტბორება

საკანალიზაციო სისტემიდან ამოსული ფეკალიებით ბორჯომის პარკში, დაახლოებით, 100 მეტრზე მეტი ფართობია დატბორილი.

ბორჯომის მუნიციპალიტეტის მერიაში ამბობენ, რომ აღნიშნული პრობლემის მოგვარება „წყალმომარაგების კომპანიის“ ვალდებულებაა: „ჩვენ გავედით ადგილზე და შევამოწმეთ, ფეკალიები კანალიზაციის ჭიდან ამოდის, როგორც კომპანიაში გვითხრეს გორიდან უნდა ჩამოიყვანონ სპეციალური მანქანა, რომელიც პარკში დაგროვილ ფეკალიებს ამოტუმბავს“.

ბორჯომში წყალმომარაგების კომპანიის დირექტორს ტელეფონი გამორთული აქვს. სათავო ოფისიდან კი პასუხს ამ დრომდე ველოდებით.

ადგილობრივები ამბობენ, რომ სკვერი ფეკალიებით მეორე დღეა იტბორება.





[თინათინ ზაზაძე, ბორჯომი]