ახალციხეში გუბერნიასთან საკანალიზაციო ჭა დაზიანდა და ქუჩა იტბორება

შალვა ახალციხელისა და დიდიმამიშვილის ქუჩების კვეთაზე უკვე მეხუთე დღეა უსიამოვნო სუნი დგას. როგორც ადგილობრივები ამბობენ, დღის განმავლობაში, როცა დასახლებაში წყალი მოდის, ჭასთან ახლოს გავლა შეუძლებელია.

გაერთიანებულ წყალმომარაგების კომპანიის ინფორმაცით მათ დაზიანების შესახებ შეტყობინება ჯერ არ შესვლიათ: „არ არსებობს, რომ ჩვენთვის მოემართათ და არ მისულიყვნენ შესასწავლად. სამუშაო ჯგუფი გავა და ვითარებას ადგილზე ნახავს,“ - გვითხრეს საზოგადოებასთან ურთიერთობის სამსახურში.






[თორნიკე ზაზაძე, ახალციხე]