თვითმმართველობების საჩუქრები ქალებს [Photo]

ახალციხეში, ადგილობრივი ხელისუფლებისა და სამხარეო ადმინისტრაციის წარმომადგენლებმა მუნიციპალიტეტში მცხოვრები მრავალშვილიანი ქალები სახლებში მოინახულეს და მათ საჩუქრად ყვავილები, ასევე, საოჯახო ნივთები გადასცეს. როგორც ახალციხის მერიაში ამბობენ, სარვამარტო საჩუქრები 35 მრავალშვილიან დედას გადაეცა: „ისეთი ქალები დავასაჩუქრეთ, რომლებსაც ხუთი ან მეტი შვილი ჰყავთ. ამისთვის ადგილობრივი ბიუჯეტიდან 2 000 ლარი დაიხარჯა.



რვა მარტთან დაკავშირებით, ასპინძის კულტურის ცენტრში საზეიმო კონცერტი გაიმართა. მასში მონაწილეობას იღებდნენ ,,ასპინძის სახელოვნებო და სამუზეუმო დაწესებულებათა გაერთიანება - კულტურის ცენტრის“ თანამშრომლები. ასევე ადგილობრივი თვითმმართველობის წარმომადგენლებმა ყვავილები გადაცეს, მეეზოვე ქალებს, სასწრაფო დახმარებისა და ,,უნიმედი სამცხე ასპინძის სამედიცინო ცენტრის“ მედ-პერსონალსა და აქ მყოფ პაციენტ ქალებს. აღნიშნული ღონისძიებებისთვის ადგილობრივი ბიუჯეტიდან 800 ლარი დაიხარჯა.



ქალთა საერთაშორისო დღესთან დაკავშირებით ადიგენის ახალგაზრდულ ცენტრში ადიგენის მუნიციპალიტეტის მერიის კულტურის სამსახურის ორგანიზებით, ღონისძიება გაიმართა, სადაც ადგილობრივმა შემსრულებლებმა, სხვადასხვა მუსიკალური ნომრები შეასრულეს. მერიის წარმომადგენლებმა, ასევე ყვავილები გადასცეს სხვადასხვა ორგანიზაციის წარმომადგენელებს. ადიგენის მუნიციპალიტეტის მერიამ ღონისძიებისთვის 700 ლარი დახარჯა.



რაც შეეხება ბორჯომის მუნიციპალიტეტის მერიას, აქ სხვადასხვა სფეროში საკუთარი საქმიანობით გამორჩეული 15 ქალი ქალი „საპატიო სიგელებით“ და ყვავილებით დააჯილდოვეს. ღონისძიებას წინ „დამფუძნებელი კრების წევრი ქალების 1919-1921“ ფოტო-გამოფენა უძღოდა.

[sknews.ge]