თვითმმართველობების წარმომადგენლებმა ქალებს 8 მარტი მიულოცეს

დღეს, ქალთა საერთაშორისო დღე ახალციხის მუნიციპალიტეტის გამგეობის თანამშრომლებმა სოფლად მცხოვრებ ქალებს მიულოცეს. მათ თითქმის ყველა ადმინისტრაციული ერთეული შემოიარეს და ქუჩაში შემხვედრ ქალებს ყვავილები გადასცეს. გარდა ამისა ახალციხის გამგეობამ 30 სოციალურად დაუცველ ქალს საჩუქრად საოჯახო ნივთები გადასცა. ამისთვის თვითმმართველობამ 1100 ლარი დახარჯა.

ადიგენის მუნიციპალიტეტის გამგებელმა ზაქარია ენდელაძემ ადგილობრივი თვითმართველობის წარმომადგენლებთან ერთად 8 მარტი ორ, 100 წელს მიღწეულ ქალს მიულოცა. როგორც გამგეობის ფეისბუქის ოფიციალურ გვერდზე ვკითხულობთ, მათ ქალებს ყვავილები და საჩუქრები გადასცეს. თუმცა, რა საჩქურები შეიძინა გამგეობამ ხანდაზმული ქალებისთვის, ან რა დახარჯა ამისთვის თვიმმართველობაში არ გპასუხობენ.

„დღეს დასვენების დღეა და ვერ გაგიკრვევთ“, – გვითხრა ადიგენის მუნიციპალიტეტის გამგეობის საზოგადოებასთან ურთიერთობის სამსახურის წარმომადგენელმა მამუკა კალანდაძე.

ასპინძის მუნიციპალიტეტის გამგეობის ორგანიზებით 8 მარტის აღსანიშნავად სამუსიკო სკოლებში ღონისძიება გაიმართა. აქ მისულ ქალებს გამგეობის თანამშრომელბმა ყვავილები გადასცა. რა ხარჯი გაწია გამგეობამ ღნისძიების მოსწაყობად იმავე მიზეზით, რომ დასვენების დღეა და ხარჯების საკითხს ვერ გაარკვევენ, უცნობია.







[ მარიამ ბარძიმაძე, ახალციხე]