2018 წელს ასპინძაში კულტურული ღონისძიებებისთვის 20 000 ლარზე მეტი დაიხარჯა

ყველაზე მეტი, 18 650 ლარი ასპინძის მერიამ სექტემბერში გამართულ სახალხო დღესასწაულზე „შოთაობაზე“ დახარჯა.

გაზაფხულზე, სამი და რვა მარტის ქალთა ღონისძიებებისთვის მერიამ 699 ლარით ყავილები და ქალებისთვის საჩუქრები შეიძინა.

26 მაისს საქართველოს დამოუკიდებლობის დღისადმი მიძღვნილ ღონისძიებისთვის 40 ლარით მერიამ სცენის გასაფორმებელი აქსესუარები შეიძინა.
ასპინძის მუნიციპალიტეტში, ბავშვთა დაცვის საერთაშორისო დღისადმი მიძღვნილ კონცერტზე 300 ლარი რეზინის ბურთების შესაძენად გამოიყო.

„ფუძეობა 2018-ში“ მონაწილე ფოლკლორული ჯგუფების დაბა ბაკურიანში ტრანსპორტირებისთვის კი 150 ლარი გაიწერა.

სოფელ დამალაში „ცოტნეობის“ აღსანიშნავად მერიამ სასმელი წყალი, ასევე, ღონისძიების გასაფორმებლად სანთლებისა და ფრანების შესაძენად 215 ლარად გადაიხადა.

წლის განმავლობაში მერიამ ყვავილებისთვის სხვადასხვა ღონისძიებისთვის ჯამში 470 ლარი დახარჯა.

გასულ, 2017 წელს, ასევე ყვავილების შესაძენად მერიამ 790 ლარი გამოყო. შარშან, 26 მაისს, დამოუკიდებლობის დღისადმი მიძღვნილ ღონისძიების გაფორმებისათვის კი 80 ლარი გაწერა.

2017 წლის ბავშვთა დაცვის საერთშორისო დღისთვის ასპინძაში 300 ლარი, ხოლო „ცოტნეობის“ დღესასწაულისთვის 20 ლარი დაიხარჯა.

შარშან „შოთაობის“ სახალხო დღესასწაულისთვის მერიამ 1 000 ლარი გამოყო. ეს თანა გაზეთ „ლიტერატურული მესხეთის“ მიერ გამოცხადებულ კონკურსში გამარჯვებულს გადაეცა.

მიმდინარე წლისგან განსხვავებით, 2017 წელს ასპინძის მერიამ ყველაზე მეტი თანხა 49 500 ლარი სამცხე-ჯავახეთის რეგიონალური ფოლკლორული ღონისძიების ორგანიზებისთვის დახარჯა. საახალწლო საზეიმო კონცერტის ფოიერვერკისათვის კი 4 065 ლარი გაწერა.

რა თანხა დაიხარჯება მიმდინარე წელს ასპინძაში საახალწლო ღონისძიებებისთვის ეს ჯერ უცნობია.

ორი წლის განმავლობაში კი ასპინძის მუნიციპალიტეტის მერიამ კულტურული ღნისძიებისათვის ბიუჯეტიდან 76 279 ლარი დახარჯა.

[თორნიკე ზაზაძე, ასპინძა]