თვითმმართველობების წარმომადგენლებმა ქალებს 8 მარტი მიულოცეს

ახალციხის მუნიციპალიტეტის მერიამ და საკრებულომ ქალთა საერთაშორისო დღესთან დაკავშირებით, მუნიციპალიტეტში მცხოვრებ შშმ ქალებს, ასევე მრავალშვილიან და სოციალურად შეჭირვებულ დედებს საჩუქრად საოჯახო ნივთები და ყვავილები გადასცეს. ბიუჯეტიდან სარვამარტო ღონისძიებებისთვის 1 800 ლარი დაიხარჯა.



8 მარტი ადიგენის ადგილობრივი ხელისუფლების წარმომადგენლებმა სხვადასხვა დაწესებულებაში მომუშავე ქალებს ყვავილებით მიულოცეს. ასევე მერიამ 100 წელს გადაცილებულ ორ ქალს 500–500 ლარი დაურიცხა.



სარვამარტოდ 150–150 ლარით დაასაჩუქრა ბორჯომის მერიამ მუნიციპალიტეტში მცხოვრები 89 მრავალშვილიანი დედა. ლევან ლიპარტიამ მათ ნაწილს ქალთა საერთაშორისო დღე პირადად მიულოცა.



ასპინძის მუნიციპალიტეტის მერმა როსტომ მაგრაქველიძემ კი „უფასო კვების სასადილოს“ ბენეფიციარებს, კეთილ მოწყობის თანამშრომლებსა და ასპინძის საავადმყოფოში დასაქმებულებს რვა მარტი ყვავილებით მიულოცა.



[sknews.ge]