რეკომენდაციები ქალთა უფლებების დასაცავად

გაეროს ქალთა ფონდის სამოქალაქო საზოგადოების მრჩეველთა საბჭოს წევრი გულიკო ბექაური ამბობს, რომ კონფლიქტურ სიტუაციებში ყველაზე მეტად ქალისა და ბავშვის უფლებები ირღვევა: ’’ყველაზე მეტი ძალადობის ფაქტები დიდ კონფლიქტურ სიტუაციებში ფიქსირდება. ამიტომ, მნიშვნელოვანია შემუშავდეს ისეთი მექანიზმები, რომელიც კონფლიქტის შემდგომ სიტუაციაში ხელს შეუწყობს ძალადობის აღმოფხვრას და პრევენციულ ღონისძიებებს”.

მექანიზმებში ბექაური უფასო იურიდიულ და ფსიქოლოგიურ კონსულტაციებს, ცხელი ხაზისა და მობილური ჯგუფების მუშაობას გულისხმობს.

რეკომენდაციის მიხედვით, პრობლემის მოსაგვარებლად დიდი მნიშვნელობა აქვს გენდერული ცნობიერების ამაღლებასაც.

’’ასევე მნიშვნელოვანია გაიზარდოს ქალთა წარმომადგენლობა საერთაშორისო მისიებში, ქალებმა უნდა მიიღონ მონაწილოება კონფლიქტური სიტუაციების დროს პრობლემის გადაწყვეტაში”, - ამბობს ბექაური.

დოკუმენტში საუბარია სოფლად მცხოვრებ ქალათა ღირებულებებისა და უფლებების დაცვაზეც.

”ადგილობრივი თვითმმართველობები და ყველა სტურუქტურა ვალდებულია იზრუნოს ამ მიმართულებით”,- ამბობს გულიკო ბექაური.

რამდენიმე დღეში აღნიშნულ რეკომენდაციებს არასამთავრობო ორგანიზაციები და სამოქალაქო საზოგადოების წევრებიც განიხილავენ.

[მანანა სარაშვილი, ახალციხე]