საინფორმაციო შეხვედრა გენდერულ თემაზე

შეხვედრა ორ დღეს გაგრძელდა. პირველ დღეს მას სტუდენტები ესწრებოდნენ, მეორე დღეს კი არასამთავრობო და საერთაშორისო ორგანიზაციების წარმომადგენლები და პედაგოგები.

შეხვედრის მონაწილეებმა ის რეკომენდაციები განიხილეს, რომელიც რეკომენდებულია ქალთა უფლებების დასაცავად კონფლიქტურ და პოსტკონფლიქტურ სიტუაციაში.

ახალგაზრდებმა მთავარ პრობლემად ინფორმირებულობის საკითხი დასვეს.

“ახალგაზრდები ფიქრობენ, რომ საზოგადოებას ნაკლები ინფორმაცია აქვს ქალისა და ბავშვის უფლებებზე. მათ მიერ წამოჭრილი პრობლემები კომიტეტს გადაეგზავნება, სადაც მოხდება ამ საკითხების განხილვა”, - ამბობს გულიკო ბექაური.

არასამთავრობო ორგანიზაციის წარმომადგენლებმა კი ერთ-ერთ მთავარ პრობლემად სოფლად მცხოვრებ ქალთა განვითარება, მათი ჯანდაცვის საკითხი და განათლება დაასახელეს.

გენდერის საკითხების კოორდინატორის ნინო ლომიძის თქმით, ადგილობრივი თვითმართველობების მხრიდან ნაკლები ყურადღება ექცევა გენდერული თანასწორობის პრონციპებს: “სამიზნე მინუციპალიტეტებში ჩავატარეთ კვლევა და აღმოჩნდა, რომ ადგილობრივი თვითმართველობები არ იცნობენ გენდერული თანსწორობის შესახებ კანონს, რომელიც საქართველოს პარლამენტმა ორი წლის წინ მიიღო. აღარ ვსაუბრობ იმ საერთაშორისო კონვენციაზე, რომელიც გვავალდებულებს ამ პრინციპების დაცვას”.

გულიკო ბექაურის თქმით, სამომავლოდ კიდევ რამდენიმე საინფორმაციო ტიპის შეხვედრაა დაგეგმილი. გენდერული ტანასწორობის შესახებ კანონს თვითმმართველობის წარმომადგენლებსა და მოსახლეობის ფართო ფენებს გააცნობენ.

[მანანა სარაშვილი, ახალციხე]