სოფლად მცხოვრებ ქალებს ქალთა ოთახი ახალციხეში ტრენინგზე იწვევს

პროექტს „ქალთა ჯგუფების ორგანიზება - ქალთა უფლებების ადვოკატირება, ლობირება და ლიდერობა“ ქალთა ფონდი ახორციელებს, ფინანსური მხარდამჭერი კი ჰოლანდიის საელჩოა.

პროექტის მიზანი საქართველოს რეგიონებში მცხოვრები ქალების ჩართულობის გაზრდა, ასევე საკუთარი უფლებების ადვოკატირებისა და ლობირების პროცესში გააქტიურებაა.

პროექტის მონაწილეები გაივლიან სამდღიან ტრენინგს, რომელიც ქალთა უფლებებსა და გარემოს დაცვას, ეკოლოგიური პრობლემების განსაზღვრასა და გადაწყვეტის გზების ძიებას შეეხება.

ქალთა ფონდი ტრენინგების დასრულების შემდგომ გეგმავს მცირე გრანტების გაცემას იმ საპროექტო განაცხადებზე, რომლებსაც მონაწილეები ჯგუფში, ან ინდივიდუალურად შეიმუშავებენ ტრენინგის განმავლობაში. ტრენინგის მონაწილეთა რაოდენობა 15.

ტრენინგი 11, 12 და 13 აპრილს ახალციხეში ჩატარდება.

[sknews.ge]