განწყობა ევროკავშირის, NGO-ებისა და ბიზნესკომპანიების მიმართ – კვლევის შედეგები

კვლევის თანახმად, სოფლებში გამოკითხულთა 57% ფიქრობს, რომ ხალხის მდგომარეობა გაუმჯობესდება, თუ არასამთავრობო ორგანიზაციების მუშაობაში ჩაერთვებიან. პატარა ქალაქებში ამ მოსაზრებას ასე 55% იზიარებს.

არასამთავრობო ორგანიზაციების შესახებ ყველაზე ნაკლებად ინფორმირებული ეთნიკური უმცირესობის წარმომადგენლები არიან. გამოკითხულთა 41% ამბობს, რომ არასამთავრობო ორგანიზაციების მიზნებს არ იცნობენ.

ამავე კვლევით ირკვევა, რომ არასამთავრობო ორგანიზაციების მიმართ უნდობლობის მიზეზი მათი დაფინანსების წყაროების შესახებ ცოდნის არ ქონაა. გამოკითხულთა 41%–მა არ იცის, თუ საიდან და რატომ ფინანსდებიან ორგანიზაციები. 13% ამბობს, რომ არასამთავრობო ორგანიზაციები თანხას საკუთარი წევრებისგან, ქართული ბიზნესისგან და ხელისუფლებისგან იღებენ, 45% კი ამბობს, რომ მესამე სექტორში უცხოელი ბიზნესმენებისგან, ასევე, ამერიკიდან და ევროკავშირიდან ფინანსდებიან.

კვლევისას მოსახლეობს ჰკითხეს, თუ ვის ინტერესებს იცავენ არასამთავრობო ორგანიზაციები მათი აზრით:



გამოკითხულთა 46% ევროკავშირს ენდობა, 31% ნაწილობრივ, ხოლო 16% უნდობლობას უცხადებს. მოსახლეობის 71% კი რეფერენდუმის შემთხვევაში მხარს ქვეყნის ევროკავშირში გაწევრიანებას დაუჭერდა. აღსანიშნავია ისიც, რომ საქართველოს მოსახლეობა ევროკავშირს უფრო ენდობა, ვიდრე არასამთავრობო ორგანიზაციებს.

კვლევა შეეხო ბიზნესს და კერძო კომპანიების მიმართ მოქალაქეების დამოკიდებულებასაც. კითხვაზე, თუ რატომ არ იღებენ კომპანიები სოციალურ პასუხისმგებლობას, გამოკითხულთა 71% –მა უპასუხა, რომ ბიზნესკომპანიების შესახებ მათ მხოლოდ ის ინფრომაცია აქვთ, რასაც ტელევიზიიდან იღებენ, 13%–ს ინფორმაცია საერთოდ არ აქვს. 51%–ს არ სჯერა, რომ კომპანიები მოქალაქეების დასაქმებაზე ზრუნავენ, 46% კი ფიქრობს, რომ ეს კომპანიებს სარგებელს არ მოუტანს.

საქართველოში 2 853 რესპონდენტი, თბილსში, ქუთაისსა და ზესტაფონში გამოიკითხა. კვლევის სანდოობა 95%–ია.



კვლევა პროექტ სამოქალაქო საზოგადოების განვითარების ინიციატივის ფარგლებში ჩატარდა, რომელსაც კონრად ადენაუერის ფონდი (KAS) , სამოქალაქო საზოგადოების ინსტიტუტი(CSI), საქართველოს სტრატეგიული კვლევებისა და განვითარების ცენტრი(CSRDG), კონსულტაციისა და ტრენინგის ცენტრი(CTC) და განათლების განვითარების და დასაქმების ცენტრი(EDEC) ახორციელებს. სამცხე–ჯავახეთში მათ „დემოკრატ მესხთა კავშირი“ წარმოადგენს.

[ავთო ინასარიძე, ახალციხე]