ახალქალაქში არასრულწლოვანი კაცის დაჭრის ბარლდებით დააკავეს

შემთხვევა 21 თებერვალს ღამით ახალქალაქში მოხდა. საქმის მასალების მიხედვით 25 წლის კაცმა 16 წლის მოზარდს სიტყვიერი შეურაცხყოფა მიაყენა, რასაც ჯერ სიტყვიერი შემდეგ კი ფიზიკური დაპირისპირება მოჰყვა, რის შედეგადაც 16 წლის მოზარდმა 25 წლის კაცს ჭრილობები დანით თავის, ხელისა და მუცლის არეში მიაყენა. დაჭრილი ახალქალაქის საავადმყოფოში გადაიყვანეს.

„როცა შემოიყვანეს მდგომარეობა მძიმე იყო, შემავალი ჭრილობა ჰქონდა მუცლის ღრუში. ოპერაცია ჩაუტარდა სწორ ნაწლვსა და ჯორჯალზე. თავსა და თითებზე მსუბუქი ჭრილობები ჰქონდა. ახლა მისი ჯანმრთელობის მდგომარეობა დამაკმაყოფილებელია“, – გვითხრა ახალქალაქის საავადმყოფოს მენეჯერმა ალექსანდრე თოროიანმა.

პოლიციაში შეტყობინება საავადმყოფოდან შევიდა. ფაქტზე ახალქალაქის რაიონული სამმართველოს თანამშრომლებმა 16 წლის მოზარდი დააკავეს. იგი ბრალს აღიარებს.

ბრალდებულს, დღეს, 23 თებერვალს ახალქალაქის რაიონულმა სამმართველომ აღკვეთის ღონისძიებად პატიმრობა შეუფარდა.

მომხდარზე ძიება სსკი–ის 117–ე მუხლით მიმდინარეობს, რაც სხეულის განზრახ მძიმე დაზიანებას გულისხმობს.

[თამუნა უჩიძე, ახალქალაქი]