ნინოწმინდაში, ცოლის მკვლელობაში ბრალდებულს, პატიმრობა შეეფარდა

ბრალდებული თბილისში, გლდანის ციხეშია გადაყვანილი.

ახალციხის რაიონულ სასამართლოში პროცესი გუშინ, 29 ივნისს, 14:00 საათზე გაიმართა. მოსამართლე მარიკა ჩიტაშვილმა 71 წლის მამაკაცს პატიმრობა შეუფარდა. ბრალდებულის უფლებებს სახაზინო ადვოკატი ტარიელ ბალაბანიშვილი იცავს.

ბრალდებული დანაშაულს აღიარებს.

შეგახსენებთ, რომ ნინოწმინდაში, სოფელ ყაურმაში, 71 წლის მამაკაცმა, 69 წლის ცოლს დანით ყელის არეში მრავლობითი ჭრილობები მიაყენა, რის შედეგადასც იგი გარდაიცვალა. შემთხვევა 27 ივნისს მოხდა. გარდაცვლილი სოფელ ყაურმის სკოლის დირექტორი იყო.

მომხდარზე ძიება სისხლის სამართლის კოდექსის 11 პრიმა – 108–ე, ოჯახში ჩადენილი განზრახ მკვლელობის მუხლით დაიწყო.

[თინათინ ზაზაძე, ახალციხე]