შვილზე ძალადობაში ბრალდებულს აღკვეთის ღონისძიებად პატიმრობა შეეფარდა

ბრალდებულმა ს.ტ–მ სასამართლო პროცესზე გირაოს შეფარდება ითხოვა, პროკურატურამ კი პატიმრობაზე იშუამდგომლა. სასამართლომ პროკურატურის შუამდგომლბა დააკმაყოფილა და ს.ტ–ს აღკვეთის ღონისძიებად პატიმრობა შეუფარდა.

ბრალდებული ბრალს არ აღიარებს. საქმის მასალების მიხედვით კი მან 28 ივნისს საკუთარ შვილს, 2005 წელს დაბადებულ ა.ტ.-ს სიტყვიერი და ფიზიკური შეურაცხყოფა მიაყენა, რის გამოც პოლიციამ სოფელ მოდეგამში დააკავა.

სამართალდამცველებმა, მიღებული ოპერატიული ინფორმაციის საფუძველზე, დაკავებულის საცხოვრებელ სახლში ჩხრეკა ჩაატარეს, საიდანაც ამოიღეს დიდი ოდენობით უკანონო ცეცხლსასროლი იარაღი და საბრძოლო მასალა ამოიღეს.

გამოძიება ოჯახში ძალადობის, ცეცხლსასროლი იარაღისა და საბრძოლო მასალის უკანონო შეძენა-შენახვის ფაქტებზე, საქართველოს სსკ-ს 126-პრიმა მუხლით და 236-ე მუხლის მე-2 ნაწილით მიმდინარეობს.

[თამუნა უჩიძე, ახალქალაქი]