ადიგენში ქარმა საცხოვრებელ კორპუსს სახურავის ნაწილი გადახადა

„დაახლოებით 25 კვ. მეტრზე გადახადა სახურავი. ხარჯთაღიცხვა კეთდება და მერია გააკეთებს ამას. ჯერ არ ვიცი ტენდერი გამოცხადდება თუ პირიდაპირი შესყიდვის წესით მივცემთ კომპანიას სამუშაოებისთვის თანხას", – ამბობს ადიგენის მუნიციპალიტეტის მერიის ინფრასტრუქტურის სამსახურის უფროსი გოდერძი სხირტლაძე.

მისი თქმით, ბოლო რამდენიმე დღეში, უამინდობის გამო, მუნიციპალიტეტის ტერიტორიაზე ქარმა 14 ობიექტი დააზიანა და მათი უმეტესობა დამხმარე ნაგებობები, ასევე, საქონლის სადგომებია.

„არავის განცხადება არ დაუწერია, თუ რამეს ვგებულობდით, ჩვენ გავდიოდით ადგილზე. ზანავში მაგალითად სკოლას და მშენებარე სახლს ნაწილობრივ მოხადა სახურავი. დანარჩენები საქომლის სადგომები და დამხმარე ნაგებობებია“, – ამბობს გოდერძი სხირტლაძე.

იმ მოქალაქეებს, რომლებსაც შენობა–ნაგებობები დაუზიანდათ, მერია სახურავს მისცემს.

ინფრასტრუქტურის თანამშრომლებმა მიყენებული ზარალის აღრიცხვა დღეს, 22 თებერვალს დაასრულეს.

„ორშაბათს, 25 თებერვლას გევცოდინება რა რადოენობის მასალა გვჭირდება სახურავებისთვის და ჯამში რამდენი ლარი იქნება ზარალი“, – აცხადებს სხირტლაძე.

[თინათინ ზაზაძე, ადიგენი]