ახალქალაქში ენმ–ს წევრების ცემაში ბრალდებულებს ბრალი დაუმძიმდათ

ახალქალაქში, 30 ოქტომბერს, დაპირისპირების ფაქტზე პასუხისგებაში მიცემულ ხუთ პირს, რომელთა შორის ორი ენზელ მკიანის ძმა მარტუნ მკოიანი და შვილი კარაპეტ მკოანი არიან, ბრალი სისხლის სამართლის კოდექსის 126–ე მუხლით ედებოდათ, რაც ძალადობას გულისხმობს. თუმცა, საქმე გადაკვალიფიცირდა და ახლა ხუთივე პირს ბრალი სისხლის სამართლის კოდექსის 120–ე მუხლით ედება. ბრალის დამტკიცების შემთხვევაში მათ თავისუფლების აღკვეთა სამი წლით ელოდებათ.

ხუთი ბრალდებულიდან ერთ–ერთს, ა.კ–ს 120–ე მუხლთან ერთად ბრალი სსკ–ის 118–ე მუხლითაც წაუყენეს, რაც ჯანმრთელობის განზრახ ნაკლებად მძიმე დაზიანებას გულისხმობს. ეს მუხლი თავისუფლების აღკვეთაs ერთიდან სამ წლამდე ითვალისწინებს.

2018 წლის 30 ოქტომბერს ქალაქ ახალქალაქში, თამარ მეფის ქუჩაზე მდებარე"ნაციონალური მოძრაობის" შტაბთან ბრალდებულები ამავე პარტიის წარმომადგენლებს ფიზიკურად გაუსწორდნენ. შემთხვევის შედეგად ოთხი პირი დაშავდა. დაპირისპირება კი წინა ღამით, ახალქალაქი–ნინოწმინდის მაჟორიტარი დეპუტატის ენზელ მკოიანის ძმის მარტუნ მკოიანის ბენზინ გასამართ სადგურებზე საპრეზიდენტო კანდიდატის სალომე ზურაბიშვილის პლაკატების ჩამოხევას მოჰყვა. „ქართული ოცნების“ წევრები ამბობენ, რომ პლაკატების ჩამოხევასთან ერთად, ენმ–ეს წევრებმა ბენზინგასამართ სადგურის თანამშრომლებს შეურაცხყოფაც მიაყენეს.

[მარიამ ბარძიმაძე, ახალქალაქი]