ახალქალაქში დაპირისპირებაში ბრალდებულებისთვის აღკვეთის ღონისძიების შეფარდებაზე იმსჯელებენ

ბრალდებულების ედუარდ მკოიანს, არარატ ამბარიანს, ანდრანიკ კარსლიანს, კარაპეტ მკოიანს და მარტუნ მკოიანის საქმეზე სხდომა 17:00 საათზე გაიმართება.

მათ ბრალი, 30 ოქტომბერს ახალქალაქში, თამარ მეფის ქუჩაზე მდებარე პოლიტიკური პარტია "ნაციონალური მოძრაობის" შტაბთან, ფიზიკურ დაპირისპრებაში ედებათ. მომხდარის გამო "ნაციონალური მოძრაობის" წევრებმა, სხეულის მძიმე დაზიანებები მიიღეს.

ბრალდებულებს შორის არიან "ქართული ოცნებიდან" ახალქალაქი–ნინოწმინდის მაჟორიტარი დეპუტატის ეზნელ მკოიანის ძმა, მარტუნ მკოიანი და შვილი, კარაპეტ მოიანი.

გამოძიების განცხადებით, "ნაციონალური მძრაობის" შტაბთან დაპირისპირება, წინა ღამით ქალაქში სალომე ზურაბიშვილის პლაკატების ჩამოხევას მოჰყვა. პლაკატები კი როგორც ვიდეომასალებით ირკვევა, სწორედ "ნაციონალური მოძრაობის" წარმომადგენლებმა ჩამოხიეს.

[sknews.ge]